३२ साउन, काठमाडौं । प्रहरीले २ थान अटोमेटिक पेस्तोलसहित चन्द्रागिरी नगरपालिका–२ नागढुंगास्थित चेकप्वाईन्टबाट एक युवकलाई शनिबार पक्राउ गरेको छ ।
पक्राउ पर्नेमा ललितपुर कोन्ज्योसम गाउँपालिका–२ बस्ने २८ वर्षीय मुनाल भनिने सुलभ लामा रहेका छन् । उनको साथबाट प्रहरीले २० राउण्ड गोली, १ थान बाइनाकुलर, ५ थान मोबाइल लगायतका सामाग्री समेत बरामद गरेको छ ।
धादिङबाट काठमाडौं आउँदै गरेको बा.२ ख. १९८० नम्बरको यात्रुवाहक बस चेकजाँच गर्ने क्रममा पक्राउ परेका लामालाई थप अनुसन्धानका लागि महानगरीय प्रहरी परिसर काठमाडौं पठाइएको महानगरीय प्रहरी वृत्त थानकोटले जनाएको छ ।