२५ भदौ, गुल्मी । गुल्मीमा जीपको ठक्करबाट रेसुङ्गा नगरपालिका–२ का वडाध्यक्ष घाइते भएका छन् ।
बा १८ च १०४४ नम्बरको जीपले ठक्कर दिँदा वडाध्यक्ष उदयबहादुर थापा घाइते भएको प्रहरीले जनाएको छ ।
बुधबार दिउँसो लु ४१ प ३९०३ नम्बरको मोटरसाइकलमा घरतर्फ जाँदै गर्दा उदिनढुँगा भन्ने स्थानमा जीपले थापालाई ठक्कर दिएको गुल्मीका प्रहरी नायव उपरिक्षक (डिएसपी) मिनबहादुर घलेले जानकारी दिए ।
गुल्मी अस्पतालमा उपचारपछि थापालाई थप उपचारका लागि पाल्पा पठाइएको प्रहरीले जनाएको छ । ठक्कर दिने जीप र चालकलाई प्रहरीले नियन्त्रणमा लिएको छ ।
टेम्पोबाट खसेर महिला घाइते
यस्तै तम्घासमै टेम्पोबाट खसेर एक जना महिला घाइते भएकी छन् ।
रेसुङ्गा नगरपालिका–९ बाट तम्घास बसपार्क तर्फ आउँदै गरेको लु १ ह २४५१ नम्बरको टेम्पोबाट खसेर ५८ वर्षिय सेती सुनार घाइते भएकी हुन् ।
घाइते सुनारलाई पनि तम्घासमा सामान्य उपचारपछि थप उपचारका लागि पाल्पा पठाइएको प्रहरीले जनाएको छ ।