ब्रट्टल इलाकामा भारतीय सुरक्षा फौजको संयुक्त अभियान

News Summary

Generated by OK AI. Editorially reviewed.

जम्मूको ‘व्हाइट नाइट कर्प्स’ले उधमपुरको ब्रट्टल क्षेत्रमा जम्मू-कश्मीर पुलिस र सीआरपीएफसँग संयुक्त अभियान चलाएर दुई चरमपन्थी मारिएको जनाएको छ।
सेनाले बुधबार राति करिब ९ बजे गुप्तचर सूचनाका आधारमा अभियान शुरू भएको र खराब मौसम तथा कम भिजिबिलिटीबीच पनि खोजी जारी रहेको जनाएको छ।
मारिएका चरमपन्थीको पहिचान र संगठन खुलेको छैन, र बाँकी खतरा पत्ता लगाउन सुरक्षा बल इलाकामा खटिएका छन्।

१ असोज, काठमाडौं । भारतीय सेनाको जम्मूस्थित ‘व्हाइट नाइट कर्प्स’ले एक्समा एउटा पोस्ट सार्वजनिक गरेको छ। उक्त पोस्ट अनुसार १६ र १७ सेप्टेम्बरको मध्यरातमा उधमपुरको ब्रट्टल इलाकामा एउटा संयुक्त अभियान चलाइएको थियो।

यो अभियान जम्मू-कश्मीर पुलिस र केन्द्रीय रिजर्भ प्यारामिलिट्री फोर्ससँग मिलेर चलाइएको थियो। इलाकामा चरमपन्थीहरूको उपस्थितिको गुप्तचर जानकारी पाएपछि बुधबार राति करिब ९ बजे यो अभियान सुरु गरिएको थियो।

यस अभियानमा दुई जना चरमपन्थी मारिएका छन्।

खराब मौसम, विकट भूगोल र कम भिजिबिलिटीका बाबजुद जवानहरूले यो अभियान चलाएको जानकारी दिइएको छ।यस अभियानमा मारिएका चरमपन्थीहरूको पहिचान र उनीहरूको संगठनबारे अझै कुनै जानकारी दिइएको छैन।

सेनाले भनेको छ, “अभियान अझै पनि जारी छ र इलाकामा खोजी तथा निगरानीको काम भइरहेको छ। बाँकी रहेको कुनै पनि खतराको पत्ता लगाउन र त्यसलाई समाप्त पार्न सुरक्षा बल खटिएका छन्।”

उधमपुर जिल्लामा भारतीय सेनाको रणनीतिक ‘नर्दन कमाण्ड’ र एउटा एयर फोर्स बेस रहेको छ।पहलगाममा भएको हमलाको जवाफमा भारतले गत वर्ष ‘अपरेसन सिन्दुर’ सुरु गरेको थियो। त्यतिबेला यस एयर फोर्स बेसमा ड्रोन र मिसाइल हमलाहरू भएका थिए।

ट्रेन्डिङ +

ताजा अपडेट +

७६ वर्षमा पनि तन्दुरुस्त मोदी : ब्रत बस्छन्, योग गर्छन्, शाकाहारी खाना खान्छन्

नेवारी वास्तुशास्त्र : काठमाडौंको इतिहास

पशुमाथि क्रुरता : पुलबाट उर्लिंदो भेलमा फ्याँकियो कुकुर

झापामा मोटरसाइकल दुर्घटना हुँदा भारतीय नागरिकको मृत्यु