२८ असोज, काठमाडौं । यौन दुर्व्यवहारको आरोपमा पक्राउ परेका निवर्तमान सभामुख कृष्णबहादुर महरालाई मंगलबार जिल्ला अदालत काठमाडौंमा लगिएको छ । संसद सचिवालयकी एक कर्मचारीमाथि यौन दुर्व्यवहारको आरोप लागेपछि प्रहरीले उनलाई पक्राउ गरेको थियो ।
प्रहरी हिरासतमा महरा बिरामी परेपछि उपचारका लागि नर्भिक अस्पतालमा भर्ना गरिएको थियो । दशैं विदा र त्यसपछि पनि विभिन्न विदाका कारण अदालत नखुलेका कारण प्रहरीले महरालाई अदालतमा पेश गर्न सकेको थिएन ।
यो पनि पढ्नुहोस
कृष्णबहादुर महराको डीएनए परीक्षण हुने
मंगलबार अदालत खुलेपछि महरालाई उपस्थित गराइएको हो । नर्भिक अस्पतालबाट सेतो रङको टिसर्ट र हल्का निलो रङको पाइन्ट लगाएर महरा अदालततर्फ आएका थिए ।
हेर्नुहोस् तस्वीरहरु
