News Summary
Generated by OK AI. Editorially reviewed.- एमाले सांसद एशुदाकुमारी बरालले प्रतिनिधि सभामा बढ्दो महंगी र खाना पकाउने ग्यास अभाव नियन्त्रण गर्न सरकार असफल भएको आरोप लगाइन् ।
- उनले सरकारलाई ‘बालेन्द्र सरकारले जनतालाई भोकै मार्न थालेको हो ?’ भन्दै ग्यास र दैनिक उपभोग्य वस्तुको आपूर्तिमा जवाफदेही हुन आग्रह गरिन् ।
- बरालले विगतमा नैतिकताको कुरा गर्ने सरकारले जनताको आधारभूत आवश्यकता समेत सम्बोधन गर्न नसकेको भन्दै स्पष्ट जवाफ दिन माग गरिन् ।
१ असोज, काठमाडौं । नेकपा (एमाले)की सांसद एशुदाकुमारी बरालले बढ्दो महंगी नियन्त्रण तथा खाना पकाउने ग्यासको आपूर्ति सहज बनाउन पहल गर्न नसकेको भन्दै सरकारको आलोचना गरेकी छिन् ।
प्रतिनिधि सभाको बिहीबारको बैठकमा बोल्दै उनले ‘बालेन्द्र सरकारले जनतालाई भोकै मार्न थालेको हो ?’ भन्दै प्रश्न समेत गरिन् ।
ग्यास अभाव र दैनिक उपभोग्य वस्तु महँगिदा समेत सरकार जवाफदेही हुन नसकेको आरोप पनि उनले लगाइन् । उनले सरकारको कार्यशैलीप्रति प्रश्न उठाउँदै विगतमा नैतिकताको कुरा गर्ने सरकारले अहिले जनताको आधारभूत आवश्यकतासमेत सम्बोधन गर्न नसकेको आरोप पनि लगाइन् ।
‘सरकारलाई ध्यान छ कि छैन, जनता भोकमरीमा पर्न थाले । हिटलरले ग्यास चेम्बरमा मान्छे हालेर मारेको थियो । के बालेन्द्र सरकारले जनतालाई भोकै मार्न थालेको हो ? निरंकुशता शैली हो ? मान्छेहरू ग्यास नपाएर भोकै छन्, किन ग्यास छैन, किन महंगी भयो भन्ने कुरामा सरकार किन जवाफदेही हुँदैन,’ उनले भनिन्, ‘यो कुरा सरकारले कहिले सुन्छ ? जेनजीको रगतमा टेकेर सिंहदरबारमा खरानीमा घुँडा टेकेको हो सरकारले ? हिजोको दिनमा नैतिकता कुरा गर्नुहुन्थ्यो यही हो नैतिकता ? यो विषयमा सरकारलाई स्पष्ट जवाफ दिनको लागि निर्देश गरिदिनको लागि माग गर्दछु ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4