९ मंसिर, गुल्मी । गुल्मीमा ५ औं उद्योग दिवसको अवसरमा २० जना उद्यामी सम्मानित भएका छन् ।
घरेलु तथा साना उद्योग विकास समिति गुल्मीको आयोजनामा सदरमुकाम तम्घासमा सिलाइ कटाइ होजियारी, ढाका, डेरी, फलफूल तथा अचार उद्योग, क्रिस्टलका गहना, ब्युटि पार्लर, चाउमिन उद्योग, बेकरीलगायतका व्यवसाय गर्ने २० जना व्यवसायीलाई सम्मान गरिएको थियो ।
सम्मानित व्यवसायीलाई जिल्ला समन्वय समितिका प्रमुख लक्ष्मण पराजुली र प्रमुख जिल्ला अधिकारी कोशहरि निरौलाले सम्मान गरेका थिए । उद्योग र पूर्वाधार समृद्धिको आधार’ भन्ने नाराका साथ राखिएको कार्यक्रममा विभिन्न उद्यमीहरुको सहभागिता रहेको थियो ।
