हाम्रो संस्कृतिले खाद्य पदार्थको संयोजन तय गरेको छ । जसमा छोकडासँग दुध, नरिवलसँग चामल, दालसँग दही । यी संयोजन आफैमा पूर्ण र स्वदिष्ठ मानिन्छ । यसले भोजनको सम्पूर्ण पोषण बढाउँछ ।
तर, हामीले स्वादका लागि आपसमा मिसाएर सेवन गरिने सबै खानेकुराले स्वास्थ्यमा राम्रो असर नगर्न सक्छ ।
हानिकारक जोडीः दुधजन्य उत्पादन र पालक
हुन त पालक पनिर निकै रुचाइएइको खान्की हो । खासगरी मासुमंस सेवन नगर्नेलाई पनिर पालक राम्रो बिकल्प मानिन्छ । दुधजन्य परिकारमा क्याल्शियम पाइन्छ । तर दुधजन्य उत्पादनलाई पालकसँग मिसाइयो भने क्याल्शियम पनि नष्ट हुन्छ ।
पालकमा अक्सैलिक एसिड हुन्छ, जसले क्याल्शियमलाई अवशोषित गर्नमा रोक्छ ।
हानिकारक जोडी : दुध र दाल
भुटेको गेडागुडी एवं दाल र दुधसँग बनाइएको नास्ता स्वादिलो लाग्नसक्छ । तर दुबैलाई एकसाथ मिसाएर सेवन गर्दा त्यसले पाचन यन्त्रमा समस्या निम्त्याउँछ ।
हानिकारक जोडीः टर्रो फल र दही
फल र दही आफैमा स्वस्थ्यवर्द्धक हो । कतिले फलमा दही मिसाएर पनि सेवन गर्छन् । तर किवी र सुन्तला जस्तो फलसँग दही सेवन गर्दा त्यसलाई पचाउन निकै कठिन हुन्छ ।
हानिकारक जोडीः आँप र कांक्रा
गर्मीमा आँप उपलब्ध हुन्छ । आँप खुब स्वादिलो पनि हुन्छ । त्यस्तै गर्मीमा कांक्रा पनि स्वादिलो लाग्छ । यसमा पर्याप्त पानी हुन्छ । यी दुबै आ-आफ्नो गुणले भरिपूर्ण मानिन्छन् । तर, आँप र कांक्रा एकसाथ सेवन गर्नु स्वास्थ्यका लागि एकदमै हानिकारक हुनसक्छ । दुबैलाई एकसाथ सेवन गर्दा ग्याष्ट्रिक हुने, पेट भारीपन हुने समस्या हुन्छ ।
