नायक रणवीर सिंह र नायिका दीपिका पादुकोण चलचित्र ‘८३’मा एकसाथ देखिदैछन् । यो चलचित्र क्रिकेटरको कथामा आधारित छ । क्रिकेटर कपिल देवको बायोपिक कथामा तयार भएको चलचित्रमा रणवीर शिर्ष भूमिकामा देखिएका छन् ।
यस्तै, नायिका दीपिका पादुकोणले चलचित्रमा कपिल देवकी श्रीमतीको भूमिका निर्वाहा गरेकी छिन् । यसैविच, चलचित्र रिलिज हुन करिब डेढ महिना बाँकी रहँदा यसको निर्माणपक्षले रणवीर र दीपिकाको लुक्स सार्वजनिक गरेको छ ।
दीपिका चलचित्रमा रोमी देवको भूमिकामा छिन् । नायिका दीपिका पादुकोणले यो चलचित्रमा आफ्नो छोटो तर महत्वपूर्ण भूमिका रहेको उल्लेख गरेकी छिन् । उनले, खेलकुदको कथामा बनेको एउटा अविस्मरणिय चलचित्रको रुपमा ‘८३’लाई उल्लेख गरेकी छिन् ।
निर्देशक कविर खानले पनि यो भूमिकाका लागि आफूले दीपिकालाई नै सोचेको बताएका छन् । यो चलचित्र अप्रिल १० मा विश्वभर रिलिज हुँदैछ ।
