१६ फागुन, विराटनगर । विराटनगर महानगरपालिकाले सडकको धुलो बढार्न ब्रुमरको प्रयोग गर्न थालेको छ । खरिद गरेको डेढ वर्षसम्म थन्किएको ब्रुमर महानगरपालिकाले प्रयोग गर्न थालेको हो ।
२०७५ असोजमा महानगरपालिकाले ५५ लाख रुपैयाँमा ब्रुमर खरिद गरेको थियो । तर दक्ष जनशक्ती अभावका कारण प्रयोगमा आएको थिएन् ।
सडकहरु कालो पत्रे भएका कारण ब्रुमरको प्रयोग गर्न थालिएको मेयर भीम पराजुलीले बताए ।
महानगरका सफाइ कर्मचारीलाई ब्रुमर सप्लाई गर्ने कम्पनीका प्रतिनिधि जाकिर हुसैनले तालिम दिइरहेका छन् ।
महानगरमा १ सय ५० किलोमिटर कालोपत्रे सडक तयार भएको छ । कालोपत्रे सडकको सफाइका लागि ब्रुमर प्रयोग गरिनेछ ।
