काठमाडौं । यूरोपेली आयोगले आपतकालीन बाहेक सबै भ्रमणमा प्रतिबन्ध लगाउने तयारी गरेको छ । कोरोना भाइरसको महामारी युरोपभर फैलिएपछि यूरोपेली आयोगले यस्तो तयारी गरेको छ ।
आयोगकी अध्यक्ष उसुर्ला भोन डेर लेयनले यूरोपेली नेतालाई यो योजना कार्यान्वयन गर्न मंगलबार आग्रह गर्नसक्ने बताइएको छ । यसो भएमा यूरोपको सीमा ३० दिनसम्म बन्द हुनेछ । तर यो प्रतिबन्धमा ईयूका नागरिकको परिवार र कूटनीतिक अधिकारीलाई भने यात्रामा कुनै प्रतिबन्ध नलगाइने बताइएको छ ।
यसअघि फ्रान्सका राष्ट्रपति इम्यानुअल म्याक्रोंले पनि यूरोपको सबै बाहिरी सीमा बन्द हुनसक्ने बताएका थिए ।
चीनको वुहानबाट सुरु भएको कोरोना भाइरसको संक्रमण अहिले यूरोपभर फैलिएको छ र त्यहाँको जनजीवन प्रभावित बनेको छ ।
