Comments Add Comment

गुल्मीका स्थानीय तहमा हेल्प डेक्स, महोत्सव स्थगित

५ चैत, गुल्मी । कोरोना भाइरसबारे जानकारी र उपचारको लागि गुल्मीका स्थानीय तहमा हेल्प डेक्स स्थापना र आवश्यक सूचना र उपचारको व्यवस्थापन गरिने भएको छ ।

जिल्लास्थित सम्पूर्ण पालिकाहरुले आवश्यक औषधि व्यवस्थापन र सचेतनामूलक कार्यक्रमहरु गर्ने निर्णय गरिएको हो ।

त्यस्तै जिल्ला अस्पताल गुल्मीले औषधि व्यवस्थापनलगायत आइसोलेसन वार्डको व्यवस्था गर्ने निर्णय गरेको जिल्ला समन्वय समिति गुल्मीका प्रमुख लक्ष्मण पराजुलिले जानकारी दिए ।

जिल्ला प्रशासन कार्यालय गुल्मी तथा सम्पूर्ण सुरक्षा निकायले सुरक्षाको व्यवस्थापन गर्ने निर्णय भएको छ ।

रुरु क्षेत्र गाउँपालिको संयोजनमा रिडी, रेसुङ्गा नगरपालिकाको संयोजनामा नेटा, मदाने गाउँपालिकाको संयोजनमा पुर्कोट, मुसिकोट नगरपालिकाको संयोजनामा वामी, चन्द्रकोट गाउँपालिकाको संयोजनमा शान्तिपुरमा हेल्प डेक्स स्थापना गरिने भएको छ ।

छिमेकी मुलुक भारतबाट सिधैं गुल्मी आउने सवारीसाधनका यात्रुलाई रिडीको हेल्प डेक्समा अनिवार्य रुपमा चेकजाँच गरिने निर्णय भएको जिसस प्रमुख पराजुलिले बताए ।

महोत्सव स्थगित 

जिल्लाको कृषि, पर्यटन एबम् व्यापारलाई प्रर्बद्धन गर्ने उदेश्यले गर्न लागिएको चौंथो गुल्मी महोत्सव स्थगित भएको छ ।

विश्व व्यापी रुपमा फैलिरहेको नोवेल कोरोना भाइरसबाट हुनसक्ने सम्भावित जोखिमलाई ध्यानमा राख्दै महोत्सव स्थगित गरिएको आयोजकले जानकारी दिएको छ ।

सदरमुकाम तम्घासमा आगामी चैत २१ गतेदेखि २०७७ वैशाख १ गतेसम्म महात्सव सञ्चालन गर्ने तय भएको थियो ।

विश्वव्यापी रुपमा फैलिएको कोरोना भाइरसका कारण प्रदेश सरकार, जिल्ला प्रशासन कार्यालय र नगरपालिकाले मेला महोत्सव नगर्ने निर्णय गरेको हुँदा स्थगित गरिएको उद्योग वाणिज्य संघका महासचिव ताराप्रसाद भुसालले बताए ।

महोत्सव केही समयपछि अनुकुल समय मिलाएर गरिने उनको भनाइ छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment