१४ चैत, सप्तरी । नेपाली काँग्रेसका युवा नेता रञ्जित कर्णले सप्तरी सदरमुकाम राजविराजस्थित आफ्नो घरलाई क्वारेन्टाइनका लागि दिने घोषणा गरेका छन् ।
राजविराज नगरपालिका-३ स्थित सात कोठे घरलाई कर्णले कोरोना भाइरस (कोभिड-१९) संक्रमणका शंकास्पद व्यक्तिलाई राखेर उपचार गराउन दिने घोषणा गरेका हुन् ।
पूर्वसभासदसमेत रहेका उनले महामारीको समयावधिसम्मका लागि अस्थायी रुपमा घर प्रयोग गर्न दिइने बताए । उक्त विषयमा जिल्ला प्रशासन कार्यालयलाई जानकारी समेत गराइसकिएको उनले बताए ।
