१६ चैत, काठमाडौं । चितवनको माडीस्थित सुकुम्बासी शिविरमा रहेको एक टहरामा आगलागी हुँदा एक बालिकाको मृत्यु भएको छ ।
मृत्यु हुनेमा माडी नगरपालिका–७ देवेन्द्रपुरस्थित परुई खोला नजिकै सुकुम्बासी शिविरमा बस्दै आएका रामकुमार चेपाङकी ९ वर्षीया छोरी रोजिना रहेकी छिन् ।
माडी प्रहरीका अनुसार घरमा कोही नभएको समयमा आइतबार दिउँसो करिब एक बजेको समयमा चेपाङको घरमा अचानक आगलागी हुँदा रोजिनाको मृत्यु भएको हो ।
आगलागीबाट चेपाङ परिवार बस्दै आएको टहरा जलेर पूर्णरुपमा क्षति पुगेको र आगलागी के कारणले भएको भन्नेबारे अनुसन्धान भइरहेको प्रहरीले जनाएको छ ।
