१८ चैत, बुटवल । भैरहवाको सिद्धार्थनगर नगरपालिकाले गरिब तथा विपन्न परिवारलाई राहत वितरण सुरु गरेको छ । नगरपालिकाले लकडाउनका कारण छाक टार्न समस्या परेका गरिब तथा विपन्न परिवारको लगत संकलन गरी दैनिक उपभोग्य सामग्री वितरण सुरु गरेको हो ।
नगरपालिकाले मंगलबार एक सय ३९ घरधुरी विपन्न परिवारलाई अति आवश्यक खाद्यान्न सामग्री वितरण गरेको नगर प्रमुख हरिप्रसाद अधिकारीले बताए । वडा नम्बर १ बाट सुरु भएको राहत वितरण कार्य १३ वटै वडामा गरिने उनले बताए ।
नगरको १३ वटै वडामा रहेका एक हजार ८ सय ७२ जना ज्याला मजदुरी गरेर खाने विपन्न परिवारलाई राहत वितरण गरिने अधिकारीले बताए ।
