२२ चैत, काठमाडौं । अमेरिकी राष्ट्रपति डोनाल्ड ट्रम्पले सन् २०२० का लागि तय अमेरिकी राष्ट्रपतीय निर्वाचन निर्धारित मितिमै हुने बताएका छन् ।
कोभिड-१९को प्रकोपले अमेरिका आक्रान्त बनेपछि निर्धारित निर्वाचन कार्यतालिकाबारे अनेक अड्कलबाजी भइरहेकाबेला ट्रम्पले यस्तो बताएका हुन् ।
अमेरिकी राष्ट्रपतिको लागि आउँदो हिउँदमा निर्वाचन तय भएको छ ।
यसैबीच, ट्रम्पले सरकारले चालेका पछिल्ला कदमले धेरै जनताको ज्यान बचेको दाबी पनि गरेका छन् ।
‘सरकारले चालेका पछिल्ला कदमहरूले धेरै जनताको ज्यान बचेको छ । सरकार चुनाव गराउन पनि सक्षम छ,’ ट्रम्पले आसन्न राष्ट्रपतीय निर्वाचनबारे भनेका छन् ।
