२६ चैत, काठमाडौं । वर्ल्ड रेमिट र अरविट रेमिटमार्फत विश्वका विभिन्न ५० भन्दा बढी देशहरूमा रहेका नेपालीहरूले अब बिना कुनै झन्झट घरमै बसेर एनआइसी एशिया बैङ्क तथा नेपालका अन्य जुनसुकै बैङ्क खातामा अनलाइन रकम जम्मा गर्न सक्नेछन् ।
विश्वभरी नै महामारीको रूपमा फैलिएको कोरोना भाइरसबाट कैयौँ सहरहरू लकडाउनको अवस्थामा छन् र यस्तो अवस्थामा एनआइसी एसिया बैङ्कले वर्ल्ड रेमिट र अरविट रेमिटसँग सहकार्य गर्दै घरमै बसी स्वदेशमा रहनुभएका परिवार तथा आफन्तजनलाई रकम पठाउन मिल्ने व्यवस्था गरेको छ ।
कोरोनासँगको लडाइँमा सरकारलाई साथ दिन एनआइसी एशिया बैङ्कले विदेशमा रहेकाका परिवारका सदस्य तथा आफन्तहरूले पठाएको रकम नेपालमा रहेका जुनसुकै बैङ्क खातामा जम्मा गर्न मिल्ने सुविधा ल्याएको हो । जसबाट ग्राहकहरूले लकडाउनको समयमा घरबाट बाहिन नगई रेमिट्यान्स सुरक्षित गर्न सक्नेछन् ।
यस योजनाले विदेशमा रहेका नेपालीहरूले रकम पठाउन रेमिट्यान्सको शाखासम्म पुग्ने समयको बचतसँगै आफ्ना परिवारजन तथा आफन्तहरूलाई तुरून्त रकम पठाउन सक्नेछन् । यसले गर्दा विदेशमा रहेका नेपाली नागरिकहरूलाई लकडाउनको समयमा पनि आफ्ना परिवारजन तथा आफन्तहरूलाई रकम पठाउन सहज हुने बैङ्कले विश्वास लिएको छ ।
विदेशबाट रकम पठाउनका लागि निम्नलिखित तरिकाहरूबाट वर्ल्ड रेमिट र अरविट रेमिटमार्फत घरमै बसी एनआइसी एशिया बैङ्कको खाता तथा नेपालका अन्य जुनसुकै बैङ्क खातामा रकम जम्मा गर्न सकिनेछः
वर्ल्ड रेमिटबाट रकम पठाउनको लागि –https://www.worldremit.com/en/Nepal मा लगइन गरी आवश्यक विवरण भरेर सजिलै नेपालमा रहेको आफ्नो वा आफन्तहरूको खातामा रकम पठाउन सकिन्छ ।
–https://youtu.be/-l37jdXu4yI मार्फत ग्राहकवर्गले वर्ल्ड रेमिटबाट रकम पठाउने आवश्यक जानकारी समेत लिन सकिन्छ ।
–यसको साथै https://www.worldremit.com/en/stories/story/2020/04/01/sending-receiving-money-covid-19 मार्फत ग्राहकहरूले थप जानकारी लिन सक्नेछन् ।
–वर्ल्ड रेमिटबाट रकम पठाउदा नयाँ ग्राहकहरूले पहिलो तीन वटा ट्रान्सफर निःशुल्क पठाउन सक्नेछन् भने त्यसको लागि तीन प्रोमो कोड प्रयोग गनुपर्नेछ ।
–वर्ल्ड रेमिटबाट ग्राहकहरूले अमेरिका, बेलायत, अष्ट्रेलिया, पोल्याण्ड, क्यानडा, डेनमार्क, फिनल्यान्ड, फ्रान्स, जर्मनी, न्यूजिल्यान्ड, नर्वे, रोमानिया, सिङ्गापुर लगायत विश्वका ५० भन्दा बढी देशहरूबाट घरमै बसी रकम पठाउन सक्नेछन् ।
अरविट रेमिटबाट रकम पठाउनको लागि
–https://www.orbitremit.com/nepal लगइन गरी आवश्यक विवरण भरेर सजिलै नेपालमा रहेको आफ्नो वा आफन्तहरूको खातामा रकम पठाउन सकिन्छ ।
–रकम पठाउँदा कुनै समस्या भएमा अरविट रेमिटको रकम पठाउने वेबसाइटमा रहेको च्याट सुविधामार्फत पनि आवश्यक जानकारी लिन सकिन्छ ।
–अरविट रेमिटबाट रकम पठाउँदा नयाँ ग्राहकहरूले पहिलो ट्रान्सफर नि:शुल्क रुपमा पठाउन सक्नुहुनेछ । नि:शुल्क रकम पठाउनको लागि पठाउँदा फ्रि-एनपीआर प्रोमो कोड प्रयोग गनुपर्ने हुन्छ।
–अरविट रेमिटबाट ग्राहकहरूले बेलायत, अस्ट्रेलिया र न्युजिल्यान्डसहित तीन वटा देशहरूबाट घरमै बसी रकम पठाउन सकिन्छ ।
यस विपतको घडीमा बैङ्कले आफ्ना ग्राहकहरूमा पर्न सक्ने असुविधालाई मध्यनजर गर्दै सातवटै प्रदेशमा ‘ग्राहक सहायता केन्द्र’हरू स्थापना गरी २४ सै घण्टा आवश्यक बैङ्किङ सेवा तथा सुविधा प्रदान गरिरहेको छ भने ग्राहकहरूलाई विद्युतीय माध्यमबाट बैङ्किङ आवश्यकताहरू पूरा गर्न पनि उत्प्रेरित गर्दछ ।
‘कोरोनासँगको लडाई, बैङ्किङ गरौँ घरबाट एक पाइला नबढाई’ भन्ने नाराका साथ अन्तर बैङ्क रकम स्थानान्तरण, बिजुली महसुल, खानेपानी महसुल, हवाई टिकट, ईन्टरनेट सेवा, बीमा तथा टेलिफोन शुल्क लगायतका भुक्तानीहरू मोबाइल तथा इन्टरनेट बैङ्किङ जस्ता विद्युतीय माध्यमबाट ग्राहकहरूले घरबाटै बसेर निःशुल्क रूपमा तिर्न सक्ने व्यवस्था समेत बैङ्कले गरेको छ ।
उक्त सेवाहरूका साथै ग्राहकहरूले घरमै बसी अनलाईन खाता खोल्ने सुविधा पनि बैंकले दिएको छ । ग्राहकहरूले कुनै सेवा लिए वापत तथा सामान खरिद गर्दा उक्त सेवाबाट पनि निःशुल्क भुक्तानी गर्न सक्नुहुन्छ । यसका साथै, बैङ्कको डेबिट तथा क्रेडिट कार्ड प्रयोग गरी गर्न सकिने कार्ड स्वाइप तथा इ-कमर्श भुक्तानी समेत निःशुल्क उपलब्ध छन् ।
नेपालभरका कुनै बैङ्क तथा वित्तीय संस्थाहरूको कार्ड वाहकले एनआईसी एशिया बैङ्कका चार सय ६१ एटीएम प्रयोग गर्दा शुल्क नलाग्ने र यस बैङ्कको कार्ड वाहकले अन्य कुनै बैङ्क तथा वित्तीय संस्थाहरूको एटिएम प्रयोग गर्दा कुनै शुल्क नलाग्ने व्यवस्था छ ।
यस विषम परिस्थितिमा ग्राहकहरूलाई विशिष्टिकृत सेवा तथा सुविधा आवश्यक परेमा वा बैङ्कले प्रदान गर्ने सेवा सम्बन्धी कुनै पनि जानकारी चाहिएमा बैङ्कको २४ सै घन्टा सुचारू रहने ग्राहक सम्पर्क केन्द्रको टोल फ्रि नम्बरः १६६०–०१–७७७७१, मिस्डकल बैङ्किङ : ९८०१२२७७५५, एसएमएसः ३४४८८, वेवसाइट च्याटबट तथा गुनासो सुनुवाई अधिकृतलाई ९८४०१६३६९९ मा सिधा सम्पर्क गर्न सकिने बैङ्कले जनाएको छ ।
