१३ वैशाख, रामेछाप । नेपाल इञ्जिनियर एसोसियसन बागमती प्रदेशले जिल्ला अस्पताल रामेछापलाई स्वाब कलेक्सन बुथ उपलब्ध गराएको छ ।
कोरोना भाइरसको परीक्षणका लागि स्वाब संकलन गर्न एसोसिएसनले कलेक्सन बुथ अस्पताललाई शुक्रबार उपलब्ध गराएको हो ।
सुरक्षित रुपमा स्वाब संकलन गर्न एसोसिएसनले सहयोग गरेको बुथ प्रमुख जिल्ला अधिकारी रुद्रादेवी शर्माले अस्पताल व्यवस्थापन समितिका अध्यक्ष रोशन पाख्रिनलाई हस्तान्तरण गरेकी हुन् ।
यसैबीच रामेछापमा रहेकोे नेपाली सेनाको नयाँ गोरख गणले एकपटक मात्र प्रयोग गर्न सकिने प्लास्टिकको पीपीई उत्पादन गरेको छ । कोरोना संक्रमितको उद्धारमा खटिँदा प्रयोग गर्न सकिने उदेश्यका साथ सेनाले प्लास्टिकको पीपीई उत्पादन गरेको हो ।
