स्वस्तिमालाई फ्यानको प्रश्न– ‘निश्चलसँग पैसाका लागि बिहे गर्नुभएको हो ?’

नायिका स्वस्तिमा खड्काले आफ्ना फ्यानको जवाफ दिने क्रममा उनले केही यस्ता प्रश्नको जवाफ दिनुपरेको छ, जुन उनका लागि नै अनपेक्षित थियो ।

एक दर्शकले उनलाई सोधे–‘के तपाईले निश्चलसँग पैसाका लागि बिहे गर्नुभएको हो ? किन अहिलेसम्म तपाईहरुले बच्चाको बिषयमा नसोच्नुभएको ?

यो प्रश्नको जवाफ दिने क्रममा नायिका स्वस्तिमा खड्काले लेखेकी छिन्–‘के पैसा कमाउन सजिलो छ र ? हामी किन मिहिनेतका साथ काम गरिरहेका छौ ? सजिलो जवाफ छ कि, कोहीसँग बिहे गर अनी पैसा कमाउ । बच्चाको बिषयमा अहिले कुनै आइडिया छैन ।’

यस्तै, केही मानिसहरुले गर्ने आलोचनाको बिषयमा के भन्नुहुन्छ भन्ने प्रश्नमा स्वस्तिमा भन्छिन्–‘घृणा कुनै पनि मानिसको नकारात्मक भावना, डर र असुरक्षा व्यक्त गर्ने माध्यम हो ।’

तपाई आफ्नो व्यक्तिगत र व्यवसायिक जीवन कसरी मिलाएर अगाडि बढाउनुहुन्छ ? भन्ने एक पश्नमा स्वस्तिमाले जवाफ दिँदै लेखेकी छिन्– ‘तपाई इमान्दार बन्नुहोस् । यी दुबै जीवन एकसाथ अगाडि बढ्छन् ।’

नायिका स्वस्तिमा खड्काले एक अंगेजी चलचित्रमा काम गर्न लागेको खबर सार्वजनिक भइरहेको छ । यो बिषयमा स्वस्तिमा भन्छिन्–‘अहिले नै म यो बिषयमा केही भन्न चाहन्न । तर, सबै कुरा ठिक भयो भने यो काम पक्कै हुन्छ ।’