Comments Add Comment

भिडका बीच मेयरले गरे स्वास्थ्य चौकीको उद्घाटन

विदेह नगरपालिका कार्यालयको तस्वीर ।

३ जेठ, जनकपुरधाम । लकडाउनको समयमा पनि धनुषाको विदेह नगरपालिकाका मेयरले ठूलो जमघटका बीच औपचारिक कार्यक्रममा सहभागी भएका छन् ।

मेयर बेचन दासले नगरपालिकाको वडा नं १ को झिझा टोलमा रहेको सामुदायिक भवनमा आयोजित कार्यक्रममा रिबन काटेर आधारभूत स्वास्थ्य चौकी उद्घाटन गरेका हुन् ।

उनले रिबन काटिरहँदा वरिपरि भिड जम्मा भएको थियो । जहाँ केही व्यक्तिले मात्र मास्क लगाएका छन् । मेयर दासले भने भिड नगरिएको दावी गरे । ‘धेरै मान्छे कहाँ छ र मेरै नगरपालिकाका कर्मचारी र स्वास्थ्यकर्मी छन्’ उनले भने ।

तर कार्यक्रममा भिड भएको उनैले स्वीकार गरे । भिड भएपछि दूरी कायम गराउन १६ जना प्रहरी बोलाएको बताए । यसअघि शुक्रबार धनुषाकै शहीद नगरपालिका–८ का विद्यालयले बालबालिकाको भेला गरी पाठ्यपुस्तक वितरण गरेका थिए ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment