१९ जेठ, जनकपुधराम । सिराहाको मिर्चेया नगरपालिका २ स्थित एक किसानकाे माछा पोखरीमा अज्ञात समूहले विष हाल्दा करिब १० लाख रुपैयाँ बराबरकाे क्षति भएको छ।
मिर्चेया २ स्थित रामजानकी मन्दिरको पोखरी ठेक्कामा लिई अरबिन्द सहनी, सोनेलाल सहनी र नागे सहनीले माछा पालन गरेका थिए ।
पोखरीमा झण्डै ५ क्विन्टल माछा उत्पादन भएर निकालिने तयारी गरिरहेकै अवस्थामा अज्ञात व्यक्तिले विष हालिदिएको उनीहरूले बताएका छन् ।
‘पाेखरीबाट माछा निकाल्ने समय भइसकेका कारण एकसाताअघि मात्रै फेरि ६० हजार रुपैयाँको भुरा खरिद गरेर हालेका थियौं,’ माछा पालक किसान नागेले भने, ‘सबै लगानी बर्बाद भयो ।’
