२०७७ असार ६ गते ६:०७ 
६ असार, काठमाडौं । पोल्याण्डले स्टेडियममै पुगेर फुटबल खेल हेर्ने अनुमति शुक्रबार दिएको छ । कोरोना भाइरस (कोभिड–१९) को महामारीपछि यसरी स्टेडियममा नै गएर फुटबल हेर्न अनुमति दिने पोल्याण्ड पहिलो युरोपेली मुलुक हो ।
यद्यपि स्टेडियमका लागि नयाँ नियम लगाइएको छ । केबल २५ प्रतिशत सिटमा मात्र मानिसहरु बस्न पाउनेछन् । प्रत्येक चौथो सिटमा एकजना मानिस बस्न पाउनेछन् । यद्यपि सबै मानिस एकै परिवारका हुन् भने उनीहरु एकसाथ बस्न सक्नेछन् ।
फुटबल प्रशंसकले सिटसम्म पुग्दा र बाहिर निस्किने समयमा मास्क लगाउनु अनिवार्य हुन्छ । साथै स्टेडियममा स्यानिटाइजर पनि उपलब्ध गराइनेछ । खेल हेर्न स्थानीय मानिस मात्र जान पाउनेछन् र उनीहरुलाई अनलाइनबाट टिकट उपलब्ध गराइनेछ ।
युरोपका अन्य मुलुकको तुलनामा पोल्याण्डमा कोरोना भाइरसको असर केही कम नै छ । यद्यपि केही मानिसले सरकारको यो निर्णयको आलोचना गरेका छन् । यसबाट कोरोना भाइरसको संक्रमण फैलिने खतरा रहेको उनीहरुको भनाइ छ ।
स्रोत : बीबीसी
प्रतिक्रिया 4