२०८२ वैशाख २६ गते २१:१५ 
२६ वैशाख, काठमाडौं । तुलसीपुरमा आयोजना हुन लागेको प्रथम राष्ट्रिय खो खो प्रतियोगिताको खेल तालिका सार्वजनिक गरिएको छ।
प्रतियोगिता नेपालको सातवटै प्रदेश र नेपाली सेनाको सहभागितामा हुन लागेको हो। प्रतियोगिता दुई समूह, पूल ‘ए’ र पूल ‘बी’ मा विभाजित गरिनेछ।
पूल ‘ए’ मा नेपाली सेना, बागमती प्रदेश, लुम्बिनी प्रदेश र गण्डकी प्रदेश रहेका छन्। त्यस्तै पूल ‘बी’ मा कोशी प्रदेश, सुदूरपश्चिम प्रदेश र कर्णाली प्रदेश रहेका छन्। समूह चरणका खेलहरू अन्तर्गत प्रत्येक टोलीले आफ्नो समूहभित्रका अन्य टोलीहरूसँग प्रतिस्पर्धा गर्नेछ।
प्रतियोगिताका खेलहरू निम्न अनुसार तय गरिएको छ: पहिलो खेल नेपाली सेना र बागमती प्रदेशबीच हुनेछ। त्यसपछि कोशी प्रदेश र सुदूरपश्चिम प्रदेशबीच दोस्रो खेल हुनेछ। तेस्रो खेलमा लुम्बिनी प्रदेशले गण्डकी प्रदेशसँग प्रतिस्पर्धा गर्नेछ।
त्यसपछिका खेलहरू क्रमशः सुदूरपश्चिम प्रदेश र कर्णाली प्रदेश, नेपाली सेना र लुम्बिनी प्रदेश, कोशी प्रदेश र कर्णाली प्रदेश, बागमती प्रदेश र गण्डकी प्रदेश, नेपाली सेना र गण्डकी प्रदेश तथा अन्तिम समूह खेल बागमती प्रदेश र लुम्बिनी प्रदेशबीच हुनेछ।
समूह चरणपछि सेमिफाइनल खेलहरू हुनेछन्। पहिलो सेमिफाइनलमा पूल ‘ए’ को विजेता टोलीले पूल ‘बी’ को उपविजेतासँग प्रतिस्पर्धा गर्नेछ। दोस्रो सेमिफाइनलमा पूल ‘बी’ को विजेताले पूल ‘ए’ को उपविजेतासँग खेल्नेछ।
सेमिफाइनलमा पराजित भएका दुई टोलीबीच तेस्रो स्थानका लागि खेल हुनेछ भने सेमिफाइनल विजेताहरूबीच उपाधि भिडन्त (फाइनल) हुनेछ।
प्रतिक्रिया 4