९ असार काठमाडौं । विश्व नम्बर एक टेनिस खेलाडी नोभाक जोकोभिचलाई कोरोना संक्रमण भएको छ ।
उनी कोरोना संक्रमण हुने चौथो टेनिस खेलाडी हुन् ।
जोकोभिचले पछिल्लो पटक आफैँले टेनिस टुर्नामेन्ट आयोजना गरेका थिए । जसमा खेलेका तीन खेलाडी यसअघि नै संक्रमति भइसकेका छन् ।
जोकोभिचले मंगलबार एक विज्ञप्ति जारी गरी आफू कोभिड-१९ पोजेटिभ भएको जनाएका हुन् । यसअघि क्रोसियाका बोर्ना कोरिक, बुल्गेरियाका ग्रिगोर दिमित्रोभ र भिक्टोर ट्रोइक्कीलाई कोरोना संक्रमण भएको थियो ।
जोकोभिले आफू र आफ्नो श्रीमती जेलेनालाई कोभिड-१९ पोजेटिभ देखिएको सार्वजनिक गरेका हुन् ।
