२० साउन, काठमाडौं । जनता समाजवादी पार्टी (जसपा)ले ‘इनफ इज इनफ’ अभियन्ताले राखेका जायज माग अविलम्बन पुरा गर्न माग गरेको छ ।
सरकारले कोभिड–१९ को सबल व्यवस्थापन लगायतका अभियन्ताहरूसँग गरेको १४ बुँदे सहमति पुरा गर्नुपर्नेमा उसको जोड छ ।
‘इनफ इज इनफले उठाएका जायज मागहरू अविलम्ब पूरा गरी देशको विग्रदो अवस्थामा सुधार ल्याउन अल्पकालिन र दीर्घकालीन योजना बनाई उचीत व्यवस्थापन एवम् कदम उठाउन पनि जनता समाजवादी पार्टी सरकारसँग जोडदार माग गर्दछ’ जसपाद्वारा मंगलबार जारी विज्ञप्तीमा भनिएको छ ।
जसपाले अनसन बसेका अभियन्ताको स्वास्थ्य परीक्षण र उपचार गर्न समेत माग गरेको छ ।
