२२ साउन, गोरखा । दरौदी नदी तर्ने क्रममा गोरखामा बिहीबार दुई किशोर बेपत्ता भएका छन् । पालुङटार नगरपालिका–१ खुर्पाजुङका १५ बर्षीय प्रज्वल श्रेष्ठ र अन्दाजी १६ बर्षका सविन श्रेष्ठ वेपत्ता रहेको प्रहरीले जनाएको हो ।
‘गोरखा नगरपालिका- ३ बेनिखोलामा भएको फुटबल खेल हेर्न भनेर चार जना गएका रहेछन्,’ डीएसपी वासुदेव खतिवडाले भने, ‘दिउँसो करिव साढे तीन बजेतिर दरौदी नदी तर्ने क्रममा दुइ जनालाई बगाएछ ।’
सिरानचोक गाउँपालिका–४ चिसापानीधारा नजिकैबाटै दरौदी नदी तर्ने क्रममा उनीहरुलाइ बगाएको उनले बताए । उनीहरुको खोजी कार्य जारी रहेको डीएसपी खतिवडाले जानकारी दिए ।
