२७ साउन, काठमाडौं । १४ अप्रिल देखि २९ मे २०१९ सम्म चलेको ‘सगरमाथा सरसफाई अभियान’ गिनिज वर्ल्ड रेकर्ड बनेको छ । यो अभियानलाई गिनिज वर्ल्ड रेकर्डले ‘वृहत सरसफाइ अभियान’का रुपमा मान्यता दिएको संस्कृति, पर्यटन तथा नागरिक उड्डयन मन्त्रालयका सचिव केदारबहादुर अधिकारीले जानकारी दिएका छन् ।
यो अभियान वृहत सरसफाई अभियानका रुपमा गिनिज वर्ल्ड रेकर्ड बनेको हो । गत वर्ष सगरमाथामा गरिएको यो अभियानका दौरान १० हजार ३ सय ८६ किलो फोहोर संकलन गरिएको थियो ।
मन्त्रालय तथा पर्यटन विभागको विभागको तालिम प्राप्त एक दर्जन शेर्पा यो अभियानमा खटिएका थिए । यसमा नेपाली सेना, स्थानीय तह तथा अन्य सरोकारवाला खटिएका थिए ।
