२०७७ साउन २८ गते १२:५२ 
२८ साउन, काठमाडौं । १३औं दक्षिण एसियाली खेलकुद सागमा स्वर्ण जितेका दुई पाकिस्तानी खेलाडी डोपिङ परीक्षणमा असफल भएका छन् ।
नेपालमा गत मंसिरमा भएको १३औं सागमा १०० मिटर हर्डल्समा स्वर्ण जितेका मुहम्मद नहिम र ४०० मिटर हर्डल्समा स्वर्ण जितेका मेहबुब अलीको स्याम्पल ए टेष्टमा पोजेटिभ भेटिएको थियो ।
यस्तै वाडाले स्याम्पल बी टेष्टको लागि आग्रह गर्दा दुवै जनाको फेरि पोजेटिभ देखिएको र खेलाडीहरुले पनि त्यसलाई स्वीकारेको हुँदा दुवै खेलाडी २०१९ डिसेम्बर २ देखि २०२३ डिसेम्बर २ सम्को लागि निल्मबन गरिएको नेपाल ओलम्पिक कमिटीले विज्ञप्तिमार्फत जनाएको छ ।
साथै उनीहरुको मेडल पनि खोसिएको नेपाल ओलम्पिक कमिटीले जनाएको छ । दुवै खेलाडीले निषेधित पदार्थ सेवन गरेको र कतारको एन्टी डिवङ ल्याबमा टेष्ट गरिएको थियो ।
यस्तै १०० मिटर दौडमा कांस्य जितेका सामी उल्लाहको पनि स्याम्प ए टेष्टमा पोजेटिभ आएको र तर स्याम्पल बी टेष्ट भने गरेका छैनन् ।
ए स्याम्पल मात्रै टेष्ट गरेका सामी उल्लाह पनि निलम्बनमा परेका छन् र उसको पनि पदक खोसिएको छ । उनले ए स्याम्पलमै डोपिङ स्वीकारेका थिए ।
प्रतिक्रिया 4