Comments Add Comment

धनुषामा बिहान ६ घण्टा पसल खोल्न पाइने

१४ भदौ, जनकपुरधाम । धनुषामा निषेधाज्ञालाई खुकुलो बनाइएको छ । सोमबारदेखि लागू हुने गरी निषेधाज्ञालाई खुकुलो बनाउने निर्णय भएको प्रमुख जिल्ला अधिकारी प्रेमप्रसाद भट्टराईले जानकारी दिए ।

उनका अनुसार निषेधाज्ञालाई एक साताका लागि थप गर्दै सोमबार बिहान ६ बजेदेखि मध्यान्ह १२ बजे ६ घण्टासम्म पसलहरु खोल्न दिइने छ ।

आइतबार बसेको जिल्ला सुरक्षा समिति र जिल्ला संकट व्यवस्थापन केन्द्रको निर्णयअनुसार पसल सञ्चालन गर्न दिइने भएको हो ।

निषेधाज्ञा भने भदौ २१ गतेसम्म कायम रहने प्रमुख जिल्ला अधिकारी भट्टराईले बताए ।

धनुषामा यसअघि विविभन्न चरणमा गरी साउन १९ गतेदेखि भदौ १४ गतेसम्म निषेधाज्ञा जारी गरिएको थियो ।

यो खबर पढेर तपाईलाई कस्तो महसुस भयो ?

Advertisment