‘मिस नेपाल २०२०’को उपाधि जितेपछि नम्रता श्रेष्ठ निकै खुशी छिन् । विगत ४ बर्षदेखि उनी यो उपाधिका लागि मिहिनेत गरिरहेकी थिइन् । अन्ततः उनले आफ्नो सपना पुरा गरिन् । अब उनको सपना ‘मिस वर्ल्ड’मा नेपालको दरिलो उपस्थिती बनाउनु हो ।
नम्रता पेशाले शिक्षिका हुन् । तर, ‘मिस नेपाल’का लागि तयारी थालेपछि उनले पढाउने काम छाडिन् । नेपालका धेरै ‘मिस नेपाल’हरु चलचित्र क्षेत्रको यात्रामा छन् । कतिपयको चलचित्र यात्रा सुखद नै भएपनि धेरैको यात्रा भने सुखद रहेन । के तपाई पनि पछि नायिका बन्न चाहनुहुन्छ भन्ने अनलाइनखबरको प्रश्नमा नम्रताले भनिन्–‘नेपाली चलचित्र क्षेत्रमा २ जना नम्रता श्रेष्ठ पहिल्यै हुनुहुन्छ । सबैको आ–आफ्नो रहरको कुरा हो । मलाई भने विद्यालय खोलेर विद्यार्थीहरुलाई नयाँ भविष्य देखाउन मन छ ।’
नम्रताको मनपर्ने नायक–नायिका को होलान् ? उनले भनिन्–‘मलाई नायक दिलिप रायमााझी खुबै मनपर्छ । म उहाँको फ्यान हुँ । कलाकार दीपकराज गिरी पनि खुबै मनपर्छ । उहाँको सेन्स अफ ह्यूमर गज्जबको छ । नायिकामा मलाई निरुता सिंह मनपर्छ । निरुता दिदीको अभिनयले मलाई आकर्षित गरेको छ ।’
नम्रताले नेपाली चलचित्रलाई नजिकबाट वुझेकी छिन् । तर, यही क्षेत्रमा लागेर करिअर बनाउने योजना भने उनको छैन ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4