२६ मंसिर, काठमाडौं । चितवन मेडिकल कलेज भरतपुरमा एकजना कोरोना संक्रमित पुरुषको मृत्यु भएको छ ।
अस्पतालका निर्देशक डा. दयाराम लम्सालका अनुसार नवलपुरको कावासोती नगरपालिका-१६ का ५२ वर्षीय पुरुषको उपचारको क्रममा शुक्रबार बिहान ११:४५ बजे मृत्यु भएको हो ।
पोखरास्थित प्रोभिन्स पब्लिक हेल्थ लेबोरेटरीमा मंसिर १० गते गरिएको कोरोना परीक्षणमा उनको रिपोर्ट पोजेटिभ आएको थियो । स्वास्थ्यमा समस्या भएपछि उनी मंसिर १६ गते उपचारका लागि मेडिकल कलेजमा भर्ना भएका थिए । डा. लम्सालका अनुसार उनी मधुमेहका बिरामी थिए ।
