१२ माघ, सुर्खेत । चीनबाट अवैधरुपमा भित्र्याइएका मदिरा हुम्ला प्रहरीले बरामद गरेको छ । जिल्लाको खार्पुनाथ गाउँपालिका–४, खार्पुबाट प्रहरीले ठूलो परिमाणमा चीनबाट अवैधरुपमा भित्र्याएका मदिरा बरामद गरेको हो ।
खार्पुनाथ–५, मुचुबाट सोही गाउँपालिकाको लाँलीतर्फ लैजाँदै गरेको एक सय १० पेटी मदिरा बरामद गरिएको कर्णाली प्रदेश प्रहरी कार्यालयका प्रवक्ता हरि वाग्लेले जानकारी दिए । प्रवक्ता वाग्लेका अनुसार उक्त मदिरा अवैधरुपमा व्यापारिक परियोजनका लागि ल्याइएको थियो ।
झिनिगोटी नामक उक्त मदिरा केही समय पहिला हुम्ला ल्याइएर लुकाइएको हुन सक्ने प्रहरीले आशंका गरेको छ ।
‘अवैधरुपमा चीनबाट ल्याइएको ठूलो परिमाणको मदिरा बरमद गरिएको छ,’ प्रवक्ता वाग्लेले भने, ‘मदिरा पहिल्य नै ल्याइएर गोदाममा राखिएको रहेछ । गोदामबाट अहिले व्यापारिक प्रयोजनका लागि लैजाँदै गर्दा बरामद भएको हो ।’
लालीका ३८ वर्षीय धिरेन्द्र शाहीले १९ वटा खच्चरमा ढुवानी गरेरे लैजाँदै गरेको अवस्थामा मदिरा बरामद गरिएको प्रहरीले जनाएको छ ।
