२० माघ, काठमाडौं । वृहत नागरिक आन्दोलनले सहिद दशरथ चन्द र गंगालाल श्रेष्ठले सहादत प्राप्त गरेको स्थानमा ‘प्रतिगमनविरुद्ध प्रतिरोध’ कार्यक्रम गरेका छन् ।
प्रधानमन्त्री केपी शर्मा ओलीले गरेको संसद विघटन लगायतका प्रतिगमनको विरोधमा चरणबद्ध आन्दोलन गर्दै आएका उनीहरूले मंगलबार शोभा भगवतीमा विरोध कार्यक्रम गरेका हुन ।
जहाँनिया राणा शासकले दशरथ चन्द र गंगालालको ज्यान लिएको थियो । त्यही स्थानमा शिल्पी थियटरका कलाकारहरूले ‘जनता जागेपछि’ शीर्षकको नाटक प्रदर्शन गरे ।
कार्यक्रममा विभिन्न वक्ताहरूले सबै प्रकारको प्रतिगमन अन्त्य हुनुपर्ने माग गरे ।
