चैत ६, काठमाडौं । राष्ट्रिय टिमका कप्तान रहिसकेका विराज महर्जन सहित क्याटेगोरी ए मा रहेका ७ खेलाडी नेपाल सुपर लिग अक्सन एनएसएल अक्सनमा बिकेनन् ।
शुक्रबार भएको अक्सनमा कुनै पनि टिमले यी खेलाडीमा बोली लगाएनन् । क्याटेगोरी ए मा २८ खेलाडी रहेकोमा अक्सनको पहिलो चरणमा १९ खेलाडी मात्र विक्री भए ।
बाँकी ९ बाट २ खेलाडी विसलिस्ट बाट फ्रेन्चाईजले लिए । तर क्याटेगोरी ए मा रहेका विराज महर्जन, रविशंकर पासवान, जर्ज प्रिन्स कार्की, छिरिङ गुरुङ, हेमन्त थापा मगर, सुबास गुरुङ, दिलेन लोक्तान बिकेनन् ।
अक्सनमा कुल १४९ खेलाडी थिए । यसबाट ९८ खेलाडी बिके। सहभागी टिमले १४-१४ खेलाडी अनुबन्ध गरेका छन् ।
