गृह प्रवक्ताको जिम्मेवारी दाहाललाई

५ वैशाख, काठमाडौं । गृह मन्त्रालयको प्रवक्तामा सहसचिव जनकराज दाहाल तोकिएका छन् । गृह मन्त्रालयले गर्ने काम कारबाहीसम्बन्धी सूचना प्रवाहका लागि उनलाई प्रवक्ता तोकिएको हो ।

यसअघिका प्रवक्ता चक्रबहादुर बुढाको सरुवा भएसँगै दाहाललाई प्रवक्तासँगै सुरक्षा तथा समन्वय महाशाखाको जिम्मेवारी दिइएको हो । दाहालले गृहमा जानुअघि काठमाडौंका प्रमुख जिल्ला अधिकारी थिए ।