६ वैशाख, काठमाडौं । त्रिकोणात्मक टी–२० सिरिज अन्तर्गत अहिले भइरहेको नेपाल र नेदरल्याण्ड्सबीचको खेलमा नेपालले टस जितेर पहिले ब्याटिङ गरिरहेको छ ।
नेपालका ओपनर आसिफ शेख शून्यमै आउट भएका छन् । उनी दोस्रो ओभरको अन्तिम बलमा आउट भए । भिभिएन किंगमाको बलमा बेन कुपरले उनलाई क्याचआउट गराए ।
यसअघि दुई खेलमा कुशल भुर्तेल र आसिफ शेखले पहिलो विकेटका लागि शतकीय साझेदारी गर्दै नेपाललाई जिताएका थिए । आज भने यी दुईले पहिलो विकेटका लागि २० रनको मात्र साझेदारी गरे ।
