४ जेठ, काठमाडौं । नेकपा माओवादी केन्द्रले सातै प्रदेशमा स्वास्थ्य सामग्री पठाएको छ ।
पार्टी कार्यालय पेरिसडाँडामा आयोजित एक कार्यक्रमका बीच माओवादी केन्द्रका अध्यक्ष पुष्पकमल दाहाल प्रचण्डले प्रदेशमा लगेर वितरण गर्ने गरी स्वास्थ्य सामग्री हस्तान्तरण गरेका हुन् ।
कार्यालय सचिव श्रीराम ढकालका अनुसार पार्टीका नेताहरुमार्फत स्वास्थ्य सामग्री पठाइएको हो । ‘प्रदेशमा लगेपछि पार्टी संरचनाले प्रदेश सरकारसंग समन्वय गरेर सामाग्री हस्तान्तरण गर्नेछ’ ढकालले भने ।
प्रदेशमा पठाइएका सामग्रीहरुमा अक्सिमिटर, पीपीई सेट, अक्सिजन सिलिन्डर, अक्सिजन जेनरेटर, मास्क लगायत छन् ।
कार्यालय सचिव ढकालका अनुसार सोमबार प्रदेश पठाइएका स्वास्थ्य सामग्री माओवादी केन्द्रलाई चीन सरकार, प्रवासमा रहेका नेपाली र जनप्रगतिशील मञ्च लगायतका संगठनले प्रदान गरेका हुन् ।
