२५ जेठ, काठमाडौं । पशुपति क्षेत्र विकास कोषले कोरोना महामारीको समयमा पशुपति क्षेत्रमा सामूहिक खाना खुवाउने काम रोक्न सरोकारवाला निकायलाई आग्रह गरेको छ ।
मंगलबार कोषका कार्यकारी निर्देशक डा.घनश्याम खतिवडाले महानगरीय प्रहरी वृत्त गौशालालाई पत्र लेख्दै सामूहिक खाना खुवाउने काम रोक्न आग्रह गरेको हो ।
त्यस्तै, कोषले पशुपति क्षेत्रमा रहेका साधुसन्तमाथि आक्रमण गर्नेलाई कारबाही गर्न पनि माग गरेको छ ।
प्रहरीलाई लेखेको पत्रमा आफूलाई सामाजिक अभियन्ता भन्ने महान नेपाल र विजय घिमिरेले पशुपति हंशमण्डपमा रहेका साधुमाथि हातपात गरेको र गाली गलौच गरेको पाइएकोले उनीहरुलाई कारबाही गर्न माग गरिएको छ ।
