४ असार, काठमाडौं । इंग्लिस क्लब चेल्सीका डिफेण्डर फिकायो तोमोरी इटालियन क्लब एसी मिलानमा अनुबन्धित भएका छन् । गत सिजन सान सिरोमा सफल लोन सिजन बिताएका तोमोरीलाई एसी मिलानले २४ मिलियन पाउण्डमा अनुबन्ध गरेको हो ।
२३ वर्षीय इंग्लिस सेन्टर ब्याक तोमोरीले एसी मिलानसँग ४ वर्षको सम्झौता गरेका छन् । गत सिजन उनले लोनमा रहँदा मिलानका लागि २२ खेल खेलेका थिए र एक गोल गरेका थिए ।
चेल्सी एकेडेमीका उत्पादन तोमोरीले २०१९-२० को सिजन राम्रो गरेपनि पूर्व प्रशिक्षक फ्रांक लाम्पार्डको रोजाइमा परेका थिएनन् ।
