२५ साउन, धनगढी । सेती प्रादेशिक अस्पतालमा उपचाररत एक जना कोरोना संक्रमितको मृत्यु भएको छ ।
प्रादेशिक अस्पतालको कोभिड अस्थायी अस्पतालमा उपचाररत कैलालीको जोशीपुर गाउँपालिका–२ का २८ वर्षीय युवकको मृत्यु भएको सूचना अधिकारी दिलीपकुमार श्रेष्ठले जानकारी दिए । उनको आइतबार राति उपचारका क्रममा मृत्यु भएको हो ।
प्रादेशिक अस्पतालमा पछिल्लो समय कोरोनाका गम्भीर संक्रमितको संख्या वृद्धि हुन थालेको छ । शनिबार मात्र डोटीका दुई जना संक्रमितको उपचारको क्रममा मृत्यु भएको थियो ।
