प्रचण्ड र कांग्रेस महामन्त्री खड्काबीच छलफल

२९ भदौ, काठमाडौं । सत्ता साझेदार दल नेपाल कम्युनिस्ट पार्टी (माओवादी केन्द्र) का अध्यक्ष पुष्पकमल दाहाल र नेपाली कांग्रेसका महामन्त्री पूर्णबहादुर खड्काबीच भेटवार्ता भएको छ ।

मंगलबार माओवादी संसदीय दलको कार्यालय सिंहदरबारस्थित प्रचण्डको कार्यकक्षमा भएको भेटवार्तामा मन्त्रिपरिषद् विस्तारलगायतका विषयमा छलफल भएको बताइएको छ ।

सरकार गठन भएको लामो समय बितिसक्दा पनि मन्त्रिपरिषद्ले पूर्णता नपाउँदा आलोचना भएपछि नेताहरु अहिले दौडधुपमा छन् । सत्ता साझेदार दलबीच सहमति गरेर छिटो मन्त्रिपरिषद् विस्तार गर्ने प्रयास गरिरहेको नेताहरूले बताउने गरेका छन् ।