११ असोज, काठमाडौं । समाजसेवी स्वर्गीय रामबहादुर श्रेष्ठ स्मृति गोल्डकपमा वीरगञ्ज युनाइटेडले जित निकालेको छ । सोमबार भएको खेलमा वीरगञ्जले हिमाल युवा क्लब, निजगढलाई ३–१ गोल अन्तरले पराजित गरेको हो ।
खेलको पहिलो हाफमा वीरगञ्जका कृपाकान्त चौधरीले सुन्दर गोल गर्दै टिमलाई अग्रता दिलाए । दोस्रो हाफको ६३ औं मिनेटमा दोस्रो गोल गर्दै कृपाकान्तले वीरगञ्जलाई २–० को अग्रता दिलाए ।
६५ औं मिनेटमा वीरगञ्जका विवेक चौधरीले गोल थप्दै टिमलाई ३–० को स्थितिमा पुर्याए । इन्जुरी समयमा हिमाल युवा क्लब निजगढका विमल घिसिङले सान्त्वना गोल फर्काए ।
वीरगञ्जका कृपाकान्त चौधरी म्यान अफ द म्याच घोषित भएका थिए ।
मंगलबार दिउँसो साढे दुई बजे हुने खेलमा वनशक्ति युवा क्लब ठोरी–२ र भक्तपुर एफसी काठमाडौंबीच प्रतिस्पर्धा हुने आयोजकले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4