यी फोनमा नोभेम्बरदेखि चल्नेछैन ह्वाट्सएप

काठमाडौं । लोकप्रिय मेसेजिङ एप ह्वाट्सएपले प्राइभेसी तथा सुरक्षाका लागि लगातार अपडेट जारी गरिरहेको हुन्छ ।

वास्तवमा एपमा सेक्योरिटीसँग सम्बन्धित जतिधेरै समस्याहरु देखिएका हुन्छन् त्यसमध्ये अधिकांश घटनाहरु अपडेट नगरिएको पुरानो भर्सनको एपमै देखिएको हुन्छ । त्यसैले यस्ता खालका समस्याहरु हटाउनका लागि ह्वाट्सएपले हरेक वर्ष केही पुराना संस्करणका फोनमा ह्वाट्सएपको सपोर्ट बन्द गर्ने गर्दछ जुन फोनहरुमा ह्वाट्सएप जारी गर्ने पछिल्लो भर्सन अपडेट हुँदैन ।

यो पटक पनि ह्वाट्सएपले त्यस्तै गर्दैछ । आगामी नोभेम्बर महिनादेखि विभिन्न मोडेलका फोन प्रयोगकर्ताहरुले ह्वाट्सएप प्रयोग गर्न पाउने छैनन् किनकी ती फोनहरु ह्वाट्सएपले सपोर्ट गर्ने छैन ।

ह्वाट्सएप सपोर्ट बन्द हुने फोनहरुमा एन्ड्रोइड, आइओएसदेखि काइओएस फोनहरु समेत हुनेछन् ।

ह्वाट्सएप सपोर्ट नगर्ने एन्ड्रोइड फोनहरु

यदि तपाईंसँग एन्ड्रोइडको ४.०.४ तथा त्यसभन्दा पुरानो अपरेटिङ सिस्टम भएको फोन छ भने त्यसमा आगामी नोभेम्बर १ देखि ह्वाट्सएप चल्ने छैन । अहिले बजारमा एन्ड्रोइड १२ युक्त फोनहरु उपलब्ध भैसकेका छन् । नोभेम्बरदेखि ह्वाट्सएपले सपोर्ट नगर्ने फोनहरुमा सामसुङ ग्यालेक्सी SII, ग्यालेक्सी एस थ्री मिनी, एलजीको अप्टिमस फोन लगायतका हुनेछन् ।

आइओएस फोन

यदि तपाईंसँग आइओएस ९ तथा त्यसभन्दा पुरानो भर्सनको अपरेटिङ सिस्टमयुक्त आइफोन छ भने त्यसमा नोभेम्बरदेखि ह्वाट्सएप चल्नेछैन । उक्त सूचीमा आइफोन सिक्स एस, आइफोन सिक्स एस प्लस, एप्पल आइफोन एसइ वान लगायतका हुनेछन् । नोभेम्बरदेखि आईओएस १० माथिका आइफोन संस्करणमा मात्र ह्वाट्सएपले काम गर्नेछ ।

Kai अपरेटिङ सिस्टमवाला फोन

कतिपय नोकिया फोन तथा भारतीय बजारमा उत्पादन हुने जियो लगायतका फोनमा पनि काइ अपरेटिङ सिस्टम रहेको छ । नोभेम्बरदेखि KaiOS को २.५.० तथा त्यसभन्दा पुरानो अपरेटिङ सिस्टम भएका फोनमा ह्वाट्सएप चल्नेछैन ।

नोभेम्बरदेखि ह्वाट्सएप नचल्ने फोनहरुको सूची :

सामसुङ