लुम्बिनी विकास बैंकको लाभांश संशोधन

२८ कात्तिक, काठमाडौं । लुम्बिनी विकास बैंकको लाभांश संशोधन भएको छ । लुम्बिनी विकास बैंकले गत आर्थिक वर्षको मूनाफाबाट शेयरधनीहरुलाई १० प्रतिशत बोनस शेयर र ३.७१ प्रतिशत नगद लाभांश वितरण गर्ने निर्णय गरेको थियो ।

बैंक सञ्चालक समितिको निर्णय पछि लाभांश वितरण गर्न राष्ट्र बैंकबाट स्वीकृति लिएर साधारणसभाबाट पारित गराउनु पर्ने हुन्छ । राष्ट्र बैंकले लाभांश संशोधन गर्न निर्देशन दिएपछि बैंकले संशोधन गरेको छ ।

राष्ट्र बैंकको निर्देशन पछि अब लुम्बिनी विकास बैंकले १३ प्रतिशत बोनस शेयर र ०.६८ प्रतिशत नगद लाभांश गरी कुल १३.६८ प्रतिशत लाभांश वितरण गर्ने भएको छ । अब साधारणसभबाट पारित भएपछि शेयरधनीहरुले यो लाभांश पाउनेछन् ।