काठमाडौं । पेड्रो गोनकाल्भ्सको उत्कृष्ट प्रदर्शनमा जर्मन क्लब बोरुसिया डर्टमण्डलाई पराजित गर्दै पोर्चुगिज क्लब स्पोर्टिङ सिपी युरोपियन च्याम्पियन्स लिगको नकआउट चरणमा प्रवेश गरेको छ ।
समूह सी अन्तर्गत बुधबार राति भएको खेलमा स्पोर्टिङले १० खेलाडीमा समेटिएको डर्टमण्डलाई ३-१ ले पराजित गरेको हो । जसमा गोनकाल्भसले दुई गोल गर्नुका साथै एक गोलका लागि असिस्ट गरे । अर्को गोल पेड्रो पोरोले गरे ।
३०औं र ३९औं मिनेटमा गोल गरेका गोनकाल्भस ह्याट्रिक नजिक पुगेका थिए । तर उनको पेनाल्टी प्रहार ८१औं स्थानमा डर्टमण्डका गोलकिपर ग्रेगोर कोबेलले रोकेका थिए । तर त्यसपछि रिबाउण्डमा पोरोले गोल गरे ।
डर्टमण्डका लागि डोनयाल मालेनले इन्जुरी टाइममा एक गोल फर्काए । ७४औं मिनेटमा एम्रे चानले रातो कराड पाएपछि डर्टमण्ड दश खेलाडीमा समेटिएको थियो । यसअघि पहिलो खेलमा डर्टमण्डसंग १-० ले पराजित भएको स्पोर्टिङले त्यसको बदलासमेत लिएको छ।
जितपछि पाँच खेलबाट नौ अंक जोडेको स्पोर्टिङ सिपी समूह उपविजेताको रुपमा नकआउट चरणमा प्रवेश गरेको छ । यस समूहमा डच क्लब अयाक्स यसअघि नै
नकआउट चरण पुगिसकेको छ । अयाक्सले पछिल्लो खेलमा बेसिकटासलाई २-१ ले पराजित गर्दै समूह चरणमा शतप्रतिशत जित हात पारेको छ । एक गोलले पछि परेको अवस्थामा सेबास्टियन हेलरले दुई गोल गर्दै अयाक्सलाई जित दिलाए ।
अयाक्स १५ अंकसहित शीर्ष स्थानमा छ ।
प्रतिक्रिया 4