+
+

रेष्टुरेन्टमा क्रिसमस मनाइरहेका बेला आत्मघाती बम विस्फोट, ६ जनाको मृत्यु

अनलाइनखबर अनलाइनखबर
२०७८ पुष ११ गते १२:२६

११ पुस, काठमाडौं । प्रजातान्त्रिक गणतन्त्र कंगोका अधिकारीले क्रिसमस मनाइरहेका मानिसले भरिएको एक रेष्टुरेन्टमा आत्मघाती बम विस्फोट हुँदा कम्तिमा ६ जनाको मृत्यु भएको बताएका छन् ।

शनिबार पूर्वी शहर बेनीस्थित एक रेष्टुरेन्टको प्रवेशद्वारमा बम विस्फोट भएको बीबीसीले जनाएको छ ।

प्रहरीले बम बोकेका आत्मघाती व्यक्तिलाई बक्स रेष्टुरेन्टभित्र छिर्न खोज्ने क्रममा रोकेका थिए । सोही क्रममा ती व्यक्तिले आफैंलाई विस्फोट गराएको समाचारमा जनाइएको छ ।

बम विस्फोटका बेला उक्त रेष्टुरेन्टमा ३० भन्दा मानिसले क्रिसमस मनाइरहेका थिए । विस्फोटमा परी आत्मघातीसहित ६ जनाको मृत्यु भएको कंगोका अधिकारीले बताएका छन् । त्यस्तै, अन्य १३ जना घाइते भएका छन् ।

शनिबार भएको विस्फोटमा इस्लामिक स्टेटसँग आबद्ध ठानिएको लडाकु समूह ‘अलाइट डेमोक्रेटिक फोर्सेस (एडीएफ)’ को हात रहेको अधिकारीहरूको भनाइ छ । तर हालसम्म कुनै पनि समूहले बम विस्फोटको जिम्मा लिएको छैन ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?