+
+

सर्पले टोकेर अस्पताल भर्ना भएका सलमान डिस्चार्ज

अनलाइनखबर अनलाइनखबर
२०७८ पुष ११ गते १७:२१
फाइल तस्वीर

११ पुस, काठमाडौं । सर्पले टोकेर अस्पताल भर्ना भएका भारतीय अभिनेता सलमान खान डिस्चार्ज भएका छन् । क्रिसमस मनाउन मुम्बईको पानवेलस्थित आफ्नो फार्म हाउसमा पुगेका बेला आइतबार उनलाई सर्पले डसेको हो ।

क्रिसमसको छुट्टी र आफ्नो ५६औं जन्मदिन मनाउन सलमान फार्म हाउस पुगेका थिए । उनलाई राति हातमा सर्पले टोकेको भारतीय सञ्चारमाध्यमहरुले जनाएका छन् ।

सर्पले टोकेपछि सलमानलाई उपचारका लागि तत्कालै अस्पताल भर्ना गरिएको थियो । अस्पतालमा करिब ६ घण्टाको उपचारपछि उनी आइतबारै डिस्चार्ज भएर फेरि फार्म हाउसमै फर्किसकेका छन् ।

जन्मदिन र छुट्टी मनाउन सलमान आफ्ना परिवारका सदस्यसँगै फार्म हाउस पुग्ने गरेका छन् । सलमानले गत वर्ष पनि आफ्नो जन्मदिन फार्म हाउसमै परिवारका सदस्यहरुका साथ मनाएका थिए ।

पानवेलको पहाडी इलाकामा रहेको उनको फार्म हाउस वन क्षेत्र नजिकै रहेको छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?