४५ किलो गाँजासहित मकवानपुरबाट दुई जना पक्राउ

२२ पुस, हेटौंडा । मकवानपुर प्रहरीले ४५ किलो गाजासहित दुई जनालाई पक्राउ गरेको छ ।

पक्राउ पर्नेमा राक्सिराङ गाउँपालिका-२ का ४२ वर्षीय भक्तबहादुर थापा मगर र मनहरी गाउँपालिका ५ का ४१ वर्षीय हिरालाल गुरुङ रहेका छन् ।

विषेश सूचनाको आधारमा प्रहरीले पुर्वपश्चिम लोकमार्गको मनहरी-९ मा हिडिरहेका उनीहरुलाई गाँजासहित पक्राउ गरेको हो।

पक्राउ परेका उनीहरुमाथि थप अनुसान्धान भइरहेको इलाका प्रहरी कार्यालय मनहरीले जनाएको छ ।