+
+

उत्तर कोरियाले गर्‍यो ५ वर्षपछि शक्तिशाली मिसाइल परीक्षण

अनलाइनखबर अनलाइनखबर
२०७८ माघ १६ गते १५:४१

१६ माघ, काठमाडौं । उत्तर कोरियाले ५ वर्षपछि पहिलो पटक शक्तिशाली मिसाइल परीक्षण गरेको छ । आइतबार उत्तर कोरियाले २०१७ यताकै लामो दूरीको मिसाइल (क्षेप्यास्त्र) परीक्षण गरेको विज्ञहरूले बताएका हुन् ।

जापान र दक्षिण कोरियाले उत्तर कोरियाद्वारा ब्यालिस्टिक क्षेप्यास्त्र जस्तै वस्तु परीक्षण गरिएको बताएलगत्तै विज्ञहरूले ५ वर्षयताकै शक्तिशाली क्षेप्यास्त्र परीक्षण गरेको बताएका हुन् ।

दक्षिण कोरियाको सेनाले उत्तर कोरियाको जागाङ प्रान्तबाट आइतबार बिहान ७:५२ बजे ब्यालिस्टिक मिलाइलजस्तो वस्तु समुन्द्रतर्फ प्रहार गरिएको बताएको छ ।

त्यस्तै जापानी मन्त्रिपरिषद्का प्रमुख सचिव हिरोकाजु मात्सुनोले उत्तर कोरियाद्वारा परीक्षण भएको क्षेप्यास्त्र २ हजार किलोमिटर माथिसम्म पुगेको र ३० मिनेटमा ८ सय किलोमिटर पार गरेको बताएका छन् ।

सबै तथ्य हेर्दा उत्तर कोरियाले यसअघि २०१७ मा परीक्षण गरेको ह्वासङ-१२ नामक मध्यम दूरीको ब्यालिस्टिक क्षेप्यास्त्र परीक्षण गरेको विज्ञहरूको भनाइ छ ।

A combination photo of four separate images of rockets blasting off in a flurry of flames and flying through the air following one of the missile tests that North Korea conducted last week

‘२०१७ को नोभेम्बरयता परीक्षण भएकाभन्दा यो क्षेप्यास्त्र शक्तिशाली छ’, कार्नेगी इन्डोमेन्ट फर इन्टरनेशनल पिसका अंकित पाण्डाले ट्विटरमा लेखेका छन् ।

उत्तर कोरियाले शुक्रबार मात्रै २ वटा लामो दूरीका क्रुज मिसाइल परीक्षण गरेको बताएको थियो । त्यस्तै, उसले यसै महिनाको सुरुमा आणविक बम र अन्तरमहादेशीय ब्यालिस्टिक क्षेप्यास्त्र परीक्षण फेरि गर्ने संकेत गर्दै सबै स्थगित आणविक कार्यक्रम पुन: सुचारु गर्ने तयारी भइरहेको बताएको थियो ।

उत्तर कोरियाले नयाँ वर्ष सुरु भएयता हाइपरसोनिक मिसाइलसहित ७ पटक क्षेप्यास्त्र परीक्षण गरिसकेको छ । त्यहाँका नेता किम जोङ उनले आफूहरू मुलुकको सैन्य क्षमता बढाउँदै हतियार भण्डारलाई आधुनिक बनाउने बताइरहेका छन् । एजेन्सीको सहयोगमा

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?