१२ फागुन काठमाडौं । मोहम्मद वासिमको शतकको मद्दतमा युएईले ओमानमा सम्पन्न आईसीसी टी–२० विश्वकप ग्लोबल क्वालिफायरको उपाधि जितेको छ ।
ओमानको अल अमेरात क्रिकेट मैदानमा बिहीबार भएको फाइनलमा युएईले आयरल्याण्डलाई ७ विकेटले पराजित च्याम्पियन बनेको हो ।
वासिमले ६६ बल खेल्दै ७ चौका र ८ छक्का मद्दतमा ११२ रन बनाएपछि आयरल्यान्डले दिएको १ सय ६० रनको लक्ष्य युएईले १८.४ ओभरमा ३ विकेट गुमाएर पूरा गर्यो ।
१२ रनमै २ विकेट गुमाएको अवस्थामा वासिमले रोहन मुस्ताफासंग तेस्रो विकेटका लागि १४१ रनको साझेदारी गर्दै जितको आधार बनाएका थिए ।
मुस्ताफाले ३५ बल खेल्दै २ चौकाको मद्दतमा अविजित ३७ रन बनाए । आयरल्यान्डका जोस लिटलले २ तथा एन्डी माइकब्रिनले १ विकेट लिए ।
त्यसअघि टस जितेर पहिले ब्याटिङ गरेको आयरल्यान्डले निर्धारित २० ओभरमा सबै विकेट गुमाएर १ सय ५९ रन बनाएको थियो ।
आयरल्यान्डका लागि ह्यारी टेक्टरले सर्वाधिक ५० रन बनाए । यस्तै शेन गेटकेटले ३० तथा लोर्कान टोर्कर र मार्क एडेरले समान २० रन जोडे ।
युएईका लागि जाहुर खान र रोहन मुस्तफाले ३–३ विकेट लिए । यस्तै जुनैद सिद्दीकी, कसिफ दाउद, कार्थिक मैयप्पन र बसिल हमिदले समान १ विकेट लिए ।
युएई र आयरल्याण्ड क्वालिफायरको फाइनल पुग्दै यसअघि नै अष्ट्रेलियामा हुने टी-२० विश्वकपका लागि छनोट भइसकेका छन् ।
बिहीबार नेपालले घरेलु टोली ओमानलाई ९ विकेटले हराएर तेस्रो स्थान हात पारेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg)
प्रतिक्रिया 4