रोकिएन सेयर बजार घट्ने क्रम, कारोबार रकम पनि घट्यो

२ चैत, काठमाडौं । चैत महिनाको दोस्रो दिन पनि सेयर बजार दोहोरो अंकले घटेको छ । सेयर कारोबार मापक नेप्से परिसूचक १९ दशमलव ६५ अंकले घटेर २ हजार ६ सय ३१ दशमलव ३२ अंकमा झरेको हो ।

नेप्से परिसूचकसँगै कारोबार रकम पनि घटेको छ । मंगलबार दोहोरो अंकले नै बजार घट्दा पनि साढे ३ अर्ब माथिको सेयर कारोबार भएको थियो । बुधबार भने कारोबार रकम २ अर्ब ५७ करोडमा रोकिएको छ ।